انعكاس 

ببص لنفسي في المرايه ...  مش شايف نفسي     

انت مين ؟؟

مبتردش ليه ؟؟ رد عليا ؟؟ انا فين ؟؟

انت اللي كنت زمان بتصلي ؟؟

انت اللي كنت بتقرأ قرآن و تدعي ؟؟

ايه اللي غير حالك ؟؟

ايه اللي خلاك عاصي ؟؟

نور ربنا اختفى من وشك  ..

ليه تعمل كده في نفسك ؟؟

دلوقتي بقيت منصاع لشهواتك.. بتجري ورا اهواءك  ...

هيجي يوم و تفوق ؟؟

 يا خوفي اليوم دا ميجيش وفجأه الموت يسبقك و يزنقك و يقولك فات الاوان يا حلو ... 

 ساعتها هتقول يا ريتني ... يا ليتني قدمت لحياتي ..........

اترعشت فجأه و انتبهت لدموعي اللي سايله على خدي انهارا و سبت المرايه و قلت مش هبص فيكي تاني غير لما ألاقي  الشخص اللي نفسي اشوفه فيكي .... :(

(ولَيَحْمِلٌن اثقالهم واثقالا مع أثقالهم و ليٌسألن يوم القيامة عما كانوا يفترون )

فكر في الايه دي كده .... وافتكر ..

عملت كام مره شير لأغنيه ، الناس سمعتها و قالوا لك الله الاغنيه حلوه ...

افتكر كده  كام مره كتبت كلام ملوش اي لازمه  و ضيعت وقت الناس في قراءته

افتكر كام مره عملت حاجه غلط و قلت انك عملتها و حد عملها زيك ...

عموما متضايقش اوي كده عشان ربنا قال :
 (من جاء بالحسنة فله عشر امثالها و من جاء بالسيئة فلا يجزى الا مثلها )

حاول تكون حسناتك اكتر من سيئاتك

على فكره انا عملك كتير من الحاجات اللي انا بقول ان المفروض منعملهاش :(

ربنا يتوب علينا جميعا ..........  بحبكم جميعا واللهي العظيم

الظلم ظلمات ... 

احساسك ايه و انت ظالم غيرك ..

اظلم  ... هيجي يوم اللي يظلمك فيه غيرك ..

اظلم .. و انت عارف ان دعوة المظلوم مُجَابه ..

اظلم .. ربنا مش هيسيبك .. 

هيجي اليوم اللي تبقى فيه انت المظلوم .. انت المقهور .. مش عارف تعمل حاجه .. 

ساعتها .. و ساعتها بس .. هتلاقي غَصه في حلقك عشان هتحس وقتها بقهر الظلم ..

ساعتها هتعيط من الحسره .. و تقول يا ريتني ما ظلمت فلان و فلان ..

ساعتها هتيجي قدام عنيك مشاهد ظٌـلمك للناس و هتلاقي نظراتهم مش مفارقاك 

الوقت دا هتكون رساله من ربنا ليك ... 
-يا هتوصلك الرساله .. و هتعرف ان ربنا كان بينور بصيرتك و بيشيل الغشاوه من على عنيك 

-أو الرساله هتروح العنوان الغلط .. و هيتكتب على ظهر الرساله (تُرد الى المٌرْسِل) .. و ساعتهاهتكون انت متستحقش المنحه اللي ربنا اعطاها لك ...  


الوقت لسه قدامك كتير .. حاول متضيعش فرصتك ..
فرص كتير راحت .. فرص اكتر جايه ...
متبقاش عدو نفسك .. اتصالح معاها ..
كفايه يا نفس .. ربنا بيناديلي كل يوم ..
لازم ألبي نداء ربنا ...... 

أول قصة حب

 عٌد بذاكرتك للوراء , استرخ و استعد ذكرياتك حينما كنت صغيرا ،

من منا لم يكتب رساله حب برئ لطفلة تلازمه مقعد الدراسه .... رسالة في ورقه ممزقه من دفتر ما .... و بخط كبير و غير منسق يكتب ...

( ما اورع ضفائرك  - يمكنكِ استخدام قلمي - لا احتاج طعامي يمكنكِ اخذه)
لا اجمل من حب الاطفال : براءه في الحب  يبقى في الذاكره الى الابد ...

امتلأ التاريخ القديم و الحديث بقصص الحب الملتهبه

كيلوباترا و انتونيوا - عنتر و عبله - قطز و جهاد -  قيس بن الملوح وحبه وعشقه لليلى ، حتى انه لقب بـ (مجنون ليلى ) و ما اجمل و اروع الاشعار التي قالها في معشوقته :

تذكرت ليلى والسنين الخواليا ... وأياما لا نخشى على الحب ناهيا 

وقال ايضا :

                    يا من هواه اعزه واذلني ... كيف السبيل الى وصالك دلني 

انت الذي حلفتني و حلفت لي ... وحلفت انك لا تخون فخنتني 

و حلفت انك لا تميل مع الهوى ... اين اليمين و أين ما عاهدتني 

قيل ان قيس و ليلى اولاد عم ترعرعا معا في الصغر فلما كبرا كان من عادات العرب الجاهليه ان تزويج الرجل المُقِرُ بحبه عار , فزوجوها بغيره . فصار ينشد الاشعار حتى وُجِد ميتا بين الاحجار

......

تذكرت الان موقفا او اكثر عن الرسول صلى الله عليه و سلم مع زوجاته رضوان الله عليهم  ، ولاشك ان أعظم حب شهدته البشرية حب رسول الله صلى الله عليه وسلم لزوجاته ،

و كان من اجمل ما استوقفني من حب رسول الله لزجاته ما روي ان 

يوم فتح مكه والناس ملتفون حول الرسول و قريش كلها تأتي اليه ليسامحها و يعفو عنها فإذا به يرى سيدة عجوز قادمة من بعيد ...
فيترك الجميع ويقف معها يكلمها ثم يخلع عباءته و يضعها على الارض و يجلس مع العجوز عليها 

فالسيدة عائشة تسأل : من هذه التي اعطاها الرسول صلى الله عليه وسلم وقته و حديثه واهتمامه كله ؟؟
فيقول : هذه صاحبة خديجه 
فتسأل: و فيم كنتم تتحدثون يا رسول الله ؟
فقال : كنا نتحدث عن أيام خديجه 

فغارت أمنا عائشه وقالت : أما زلت تذكر هذه العجوز وقد واراها التراب وأبدلك الله خير منها ؟؟

فقال النبي علي السلام : واللهي ما ابدلني من هي خير منها فقد واستني حين طردني الناس وصدقتني حين كذبني الناس ...
فشعرت السيده عائشه ان النبي قد غضب فقالت له : استغفر لي يا رسول الله 

فقال : استغفري لخديجه حتي استغفر لكِ

و من امثلة حبه صلى الله عليه وسلم للسيده عائشه رضي الله عنها : 

كان رسول الله صلى الله عليه وسلم يقول لأمنا عائشه رضي الله عنها : "إني لأعلم إذا كنت راضية عني وإذا كنت غضبى ، أما إذا كنت راضية فأنك تقولين : لا و رب محمد ، و إذا كنت غضبى قلت : لا و رب ابراهيم " رواه مسلم 

....

يدور في ذهني العديد من التساؤلات التي تستحق البحث :

هل الحب هو مجرد شعور يلمس قلب الإنسان فقط ؟؟

أم هي تغيرات تحدث  في جسد الانسان ؟؟
وهل للعقل دور في الحب من عدمه ؟؟
ما هو العامل الاساسي في زيادة الحب و نقصانه ؟؟
وهل عوامل الحب هي ذاتها عوامل الكٌره ؟؟ 

                                                          تساؤلات بحاجة الى جواب ...

نبض الكلمات 

فجأه .... 

فجأه كده يجي في بالك تنزل تمشي تحت المطر 

عمرك ما نزلت تمشي تحت المطر .... 
خلاص ...  انت اخدت القرار و لبست تقيل ونزلت ....
مشيت تحت المطر ... يمكن المطر و هوا نازل تنزل معاه همومك ...
مشيت من غير هُدى ....  خليت رجلك هيا اللي تسوقك ....


الناس بتجري بعيد عن المطر و انت ماشي تحته .. الناس شايفاك اهبل محدش عارف اللي جواك ..

 تبص في وشوش الناس دي تلاقي الناس كلها هموم و كأن الهموم دي بتلزق في الوش مش في القلب ... مين اللي مشيل الناس دي كلها في وشوشها .. ؟؟!!  

و في لحظة التفكير دا تلاقي نفسك في مكان بتشبه عليه ... المكان دا انا عارفه .. المكان مش غريب عليا ... الكمان دا كنت بحب اروحه زمان ....

 ساعتها , و ساعتها  بس عرفت ايه اللي خلاك تمشي تحت المطر ...
                                                                                   
                                                                                     (حدث بالفعل)                                                                                       15/2/2014

الى متى ؟؟!!

إلى متى سيظل السكوت ..

إلى متى و نحن نموت ..

إلى متى سنظل فقط نفكر في القوت ..

إلى متى سنظل سلبيين .. 

إلى متى سنظل تابعين ..

إلى متى الخنوع ..

إلى متى الذل والهوان ..

إلى متى الإنكسار ..

إلى متى التفريط في الحقوق ..

إلى متى سنترك اشباه الرجال يحددون مصيرنا ..

كفي .. حان الوقت ..

كفى ظلما .. 

كفي بهتانا ..

كفى قمعا ..

كفى طغيانا ..

كفى قهرا .. 

كفى..كفى..كفى..كفى..كفى..كفى..

حان الوقت حتى نصدع بالحق ..

حان الوقت حتى نُزهِقَ الباطل ..

ابدأ بنفسك ..

تخلص من سلبيتك ..

اجمع فُتات نفسك ..

تحلى بالإراده ..

لا تتخلى عن حلم واحد من احلامك ..

امسك معولك , فأسك , قلمك , سلاحك , وقاتل من اجل حلمك ......

رساله الى المستقبل

ولادي حبايبي :) 

وحشتوني اوي يا ولاد ... انا بابا محمود ..

بكتب ليكوا رساله قبل ما تتولدوا بـ 10-15 سنه كده وللا حاجه ... 

عشان تعرفوا ان بابا حبيبكوا بيحبكوا قد ايه... 

بحبكوا قـ(ااااااااااا)ـد الدنيا دي كلها ..

 مامتكوا كمان بتحبكوا اوي ... هلاقيها ان شاء الله ... متقلقوش يا ولاد ان شاء الله هختار مامتكوا زي القمر زيكوا كده ... هتكون احلى ام في الدنيا عارفين ليه ؟؟ عشان ( تيته ) هيا اللي هتختارها لباباكوا ان شاء الله ...

 ان شاء الله تكونوا كده شبه ماما في كل حاجه عشان انا بحب ماما عشان هتجبلي احلي حاجه في حياتي انتوا يا حبايبي ..

جدو (أحمد) بقى بيموت فيكوا و نفسوا يقابلكوا اووي و هيدلعكوا احلى دلع 

جدتكوا بقى دي احلى حاجه حصلت  في حياتي و حياتكوا دي بقى اللي ان شاء الله يا رب كده اللي هتلاقوا منها طيبه و حنان 

وصيتي ليكوا بقى :

- طاعة ربنا و طاعة بابا و ماما

-الصلاه في مواعيدها ( في المسجد للصبيان )

- حفظ القران الكريم  عشان دي وصية جدو (أحمد) و أكيد انتوا مش عاوزين جدو يزعل , عشان هوا حفظني القرآن (ربنا يجعله في ميزان حسناته يارب ) و قالي كل لما تيجي تقرأ قرآن قول " رب ارحمهما كما ربياني صغيرا" و قالي حفظ ولادك القرآن يا محمود ...
- اوعى حد يزعل ماما عشان مش هنلاقي زيها يا ولاد

-المذاكره والاجتهاد بقى عشان نفرح بيكوا انا و مامتكوا 

-صلة الرحم : دايما تزورا اعمامكم مصطفى و محمد و عماتكم ايناس و نسنيم و اخوالكم وخالتكم 

اخر حاجه بقى ربنا يجيبكوا بالسلامه الاول و يحميكوا يا رب و نعرف نربيكوا احلى تربيه 
                                                                     بابا :
                                                                             محمود :)
                                                                                       9/2/2014 

بكل الحروف أحبك

أ: أحبك عشان انتي اللي....

ب: بتخلي حياتي ليها معني و ...

ت: تملي عليا حياتي.

ث: ثروة انتي و ..

ج: جمالك سحرني 

ح: حبيبة قلبي

خ: خليكي جنبي 

د: دايما تبقي سندي ف الحياه 

ذ: ذكريني دايما بالطاعه و الصلاه عشان نصلي سوا 

ر: رقيقة حتى وانتي ..

ز: زعلانه بس حتى  و انتي زعلانه ببقى...

س: سعيد عشان بحس ان انتي الطفله بتاعتي و

ش: شخصيتك بتبقى زي الاطفال بالظبط

ص: صورك هتملى بيتنا ان شاء الله 

ض: ضميني جوا حضنك و ..

ط: طبيعي الولاد يكونوا معانا برده :) 

ظ: ظ ظ ظ ظ صعبه اوي دي :)

ع: عمري في يوم ما هبعد عنك 

غ: غيرتي عليكي فاقت كل الحدود

ف:  فوق راسي هشيلك 

ق: قدام عينيكي بنسى همومي 

ك: كلامك ليا بيقويني ...

ل: لما بنام بحلم بيكي ... لسه .. 

م: مجاش لسه اليوم اللي

ن: نبقى فيه لبعض 

هـ: هوايا ملأ قلبي خلاص مش قادر

و: وحشاني بجد  

ي: يا حبيبتي ......

ملحوظه : هذه الكلمات من محض الخيال ولا يوجد تطابق بينها و بين الواقع :)
مستوحاه من 28 حرف :)

حياتي معاكي برسمها .... جوايا حاجات هموت واقولها

معاكي الدنيا انا مالكها..... انتي من الدنيا عليا كفايه 

نفسي اخدك من ايديكي .... وللسما اطير بيكي 

وفي القمر اشوف عنيكي .... و نبدأ اجمل حكايه 

يا اجمل هبه من ربي .... يا رب دا كتير على قلبي 

انا بس عايزها تبقى جنبي .... مهما الظروف قست علينا 

ابقا ليها انا بتمنى .... بشوف في عنيها نور الجنه 

بجد خلاص مش قادر استنى .... ومش ذنبنا اننا حبينا 

بغير؟ , لأ أنا بموت عليكي .... في مكان مقفول هحتفظ بيكي

و محدش غيري يحب فيكي .... امتى هيتحقق حلمي 

 يا اجمل حب عايش جوايا .... هكمل معاكي للنهايه 

مهما كانت البدايه .... أكيد هنبقى لبعضنا 

يا اجمل هبه من ربي .... يا رب دا كتير على قلبي 

انا بس عايزها تبقى جنبي .... مهما الظروف قست علينا 

ابقا ليها انا بتمنى .... بشوف في عنيها نور الجنه 

بجد خلاص مش قادر استنى .... ومش ذنبنا اننا حبينا 

هذه هي بلادي ..

هذه هي بلادي

قبل ثلاثة اعوام , كنا يدا واحده .. كنا رأيا واحدا .. كنا على قلب رجل واحد .. و كان كل ما نتمناه و نأمله ان نزيح هذا الطاغية و حاشيته من على عرش مصر , و بعد معاناة دامت ثمانية عشر يوما اسقطنا فرعون مصر , بعد ان ضحينا و ضحى شعبنا بالرجال والنساء و الاطفال من اجل تراب مصرنا الحبيبة........

 عندئذ فقط اعتقدنا جميعا اننا بدأنا صفحة جديده و لكن هيهات ... لقد بدأت للتو 

المعاناة الحقيقية ...

انطلق كل كلاب السلطة لاهثين وراءها .. كل يريد قطعة من الكعكة .. بعضهم نجح في ذلك .. بعضهم أخفق .. و بعضهم ما زال يحاول .....

و منذ ذلك الحين و تفرق شعب مصر تفرقا عظيما منهم من اسموا نفسهم الثوار و كأنهم هم وحدهم من كانوا في الميدان .. و منهم الاخوان المسلمين .. و بعضهم الليبراليون و العلمانيون .. ومنهم .. ومنهم .. ومنهم .. 

و نسيوا جميعا انهم أولا و آخرا مصــريين يربطهم رابط الوطن الواحد 

نسيوا ايضا أن اعداءنا هم من حاولوا تقسيمنا من قبل .....

و بعد مرور ثلاثه اعوام على ثورتنا لم تستطع تحقيق أي شئ وكأننا ندور في حلقة مفرغه 

أعتقد أن ثورتنا وٌإدت في المهد ولكن ما زلنا لم نصدق ذلك الى الان .......

ادعوا جميع المصريين للإجتماع على كلمة واحده حتى لا نترك الفرصه للمخربين أن يٌعيدوا مصر لما قبل الثوره....

ادعوا الله ان يجنبنا الشر و يحفظ مصر و اهلها من السوء

بسم الله الرحمن الرحيم 

أنا صراحه لا اعرف من سيقرأ كتاباتي و لكن اتمني ان تنول استحسانكم ...

أتـمنى ان أٌفيد و أستفيد ....

                                      محمود أحمد